Бокс
Мұхаммедсабыр Олимпиадаға лицензияны жеңіп алды
Kazakhstan Boxing Federation
Қазақстандық боксшы Мұхаммедсабыр Базарбайұлы Таиландағы лицензиялық турнирде соңғы айқасын өткізді.
63,5 келіде өнер көрсететін Мұхаммедсабыр Еуропаның вице-чемпионы, молдовалық Александр Параскивпен жұдырықтасты. Бұл жекпе-жекте қазақ боксшы үш раундта да айқын басым болып, төрешілер жеңісті бірауыздан Базарбайұлына берді.
Осылайша, Мұхаммедсабыр Париж Олимпиадасына лицензия иеленді. Енді Қазақстанның бокстан ерлер құрамасы Жазғы ойындарға барлық салмақта барады.