Александр Шевченко Франция ашық чемпионатының екінші айналымына өтті

Қазақстандық теннисші Александр Шевченко Ролан Гаррос турнирінің екінші айналымына өтті.

Қазақстандық теннисші алғашқы айналымда ресейлік Аслан Карацевпен бес сетті 3 сағат 15 минут ойнап, 6:4, 4:6, 1:6, 6:1, 6:4 есебімен ұтты. Шевченко бұл ұзақ ойында 13 эйспен бірге 15 брейк-пойнттың тоғызын пайдаланды. Карацев 1 эйс, 8 брейктен (22 брейк-пойнт) аса алмады.

Енді Александр үшінші айналымға өту үшін франциялық Корентен Мутемен ойнайды.