Теннис
Михаил Кукушкин Bratislava Open турнирінде ұтылды
АТР
Қазақстандық Михаил Кукушкин ATP 125 Bratislava Open Челленджер сериясының хард турнирінің екінші айналымында ұтылды.
Словакия астанасында өтіп жатқан турнирдің кортында қазақстандық Михаил Кукушкин (#110) мен франциялық Констант Лестьенн (#196) кездесті.
Үш сетке созылған матчта қазақстандық теннисші 6:3, 1:6, 2:6 есебімен жеңілді. Матч 1 сағат 50 минутқа созылды.
Айта кетейік, Братиславадағы турнирдің жүлде қоры 148 625 еуроны құрайды. Чемпион 20 300 еуро және 125 рейтингтік ұпай алады.