Елена Рыбакина тағы бір халықаралық турнирде бақ сынайды

Қазақстандық теннисші Елена Рыбакина Біріккен Араб Әмірліктерінің астанасы Абу-Дабиде өтетін WTA 500 турниріне қатысады.

Аталмыш турнир 3-11 ақпан аралығында Абу-Дабидегі Zayed Sports City спорт қалашығында өтеді. Бұл жарыста 28 теннисші жекелей сында, ал 16 теннисші жұптық сында бақ сынайды.

Турнирге қатысатыны расталған спортшылар тізімі:

Наоми Осака (Жапония);

Эмма Радукану (Ұлыбритания);

Елена Рыбакина (Қазақстан);

Онс Жабер (Тунис);

Мария Саккари (Грекия);

Барбора Крейчикова (Чехия);

Беатрис Хаддад Майя (Бразилия);

Елена Остапенко (Латвия);

Людмила Самсонова;

Дарья Касаткина;

Вероника Кудерметова;

Кэролайн Гарсия (Франция);

Магда Линетт (Польша);

Сорана Кырстя (Румыния);

Анастасия Потапова;

Ангелина Калинина (Украина);

Жасмин Паолини (Италия);

Эмма Наварро (АҚШ);

Леся Цуренко (Украина).

Осыған дейін Елена Рыбакина Аустралия ашық чемпионатына қатысып, турнирдің екінші айналымында жеңіліп қалған еді. Ол әлемнің 57-ракеткасы, Ресей өкілі Анна Блинковаға есе жіберді.

Жыл басында Елена Рыбакина Беларусь теннисшісі Арина Соболенконы ұтып, Брисбен (Аустралия) WTA 500 турнирінің жеңімпазы атанды.

Дереккөз: mubadalaabudhabiopen.com