2024 Париж Олимпиадасы
Финалға жеткен Демеу Жадыраев Олимпиада алтынына белдеседі
olympic.kz/Тұрар Қазанғапов
Грек-рим күресінен Қазақстан командасының мүшесі Демеу Жадыраев Париж Олимпиадасының финалына өтті.
77 келі салмақта сынға түскен Демеу жартылай финалда әзербайжандық Санан Сүлеймановтан басым түсті. Жадыраев жекпе-жекті ә дегеннен тамаша бастады: басымдылыққа ие болып, бірден алты ұпай иеленді. Нәтижесінде текетірес 6:1 есебімен Демеудің жеңісімен аяқталды.
Енді Жадыраев 2024 жылғы Олимпиада ойындарының алтын жүлдесін сарапқа салады. Финал 7 тамызда өтеді. Демеудің ақтық сындағы қарсыласы жапониялық Нао Кусака болады.
Айта кетелік, ширек финалда Демеу Жадыраев екі дүркін әлем чемпионы, Токио Олимпиадасының күміс жүлдегері Ақжол Махмұдовты жеңген болатын.