Теннис
Рыбакина Уимблдонның жартылай финалына бір қадам қалды
rolandgarros.com
Қазақстанның бірінші ракеткасы Елена Рыбакина Уимблдон турнирінің ширек финалына өтті.
Төртінші айналымда Елена әлемнің 18-ракеткасы саналатын ресейлік Анна Калинскаямен ойнады. 50 минутқа созылған матчтің бірінші сетінде Рыбакина 6:3 есебімен басым түсті. Екінші партияда Елена 3:0 есебімен алға шыққаннан кейін Калинская бәсекені жалғастырудан бас тартты.
Бұл матчте қазақстандық спортшы 7 эйс жасап, 6 брейк-пойнттың төртеуін пайдаланды. Ресейлік теннисші 1 эйс, 1 брейкпен (3 брейк-пойнт) шектелді.
Енді Елена Рыбакина жартылай финалға шығу үшін әлемнің 21-ракеткасы Элина Свитолина мен 42-сатыдағы қытайлық Синьюй Ван кездесуінің жеңімпазымен ойнайды.