Футбол
Биыл бразилиялық клубтан кететін Луис Суарес болашағына қатысты ойын айтты
Dailysports.net
"Гремио" ойыншысы Луис Суарес бразилиялық клубпен келісімшарты аяқталған соң не істейтінін айтты.
"Денем ауырып тұр, өне бойым мен үшін сөйлеуде. Мен ләззәт алғым келеді. Тынығуым қажет, отбасыммен демалып. Одан кейін қайда болатынымды тағдыр көрсетеді", - деп береді Суарестің сөзін журналист Фабрицио Романо.
Суарестің "Гремиомен" келісімшарты жыл соңында аяқталады. Бұған дейін 36 жастағы футболшы карьерасын МЛС-тегі "Интер Майамиде" жалғастыратыны туралы сыбыс тараған.
Биылғы маусымда Суарес "Гремио" сапында 52 матчке қатысып, 24 гол салды және 17 ассист жасады.