Футбол
Қазақстан әуесқойлар арасындағы Еуроның ширек финалына шықты
emfeuro.eu
Босния және Герцеговинада шағын футболдан әуесқойлар арасында өтіп жатқан Еуропа чемпионатында Қазақстан құрамасы ширек финалға шықты.
1/8 финалда отандастарымыз Словения құрамасын 1:0 есебімен ұтты. Жеңіс голын 29-минутта Диас Егінжанов соқты.
Ширек финалда Қазақстан құрамасы Әзербайжан – Болгария құрамалары арасындағы ойында жеңіске жеткенімен кездеседі.
Айта кетейік, Қазақстан құрамасы топтық кезеңде Грекияға 1:0 есебімен жол беріп, кейіннен Англия (7:0) мен Украинаны (3:2) ұтып шықты.