Футбол
Роналдуға "Алтын бутса" табыс етілді
"Әл-Наср" мен Португалия құрамасының шабуылшысы Криштиану Роналду Сауд Арабия чемпионатының үздік сұрмергені ретінде "Алтын бутсамен" марапатталды.
39 жастағы Роналду өткен маусымдағы 31 матчте 35 гол салып, саудиялық Про Лиганың рекордын орнатты. Сонымен қоса, ол төрт елдің жоғары лигасында үздік бомбардир атанған тарихтағы бірінші футболшы болып отыр.
"Осы маусымның үздік бомбардирі атанғанымды мақтан етемін! Алда бұдан да үлкен асулар", – деп жазыпты Роналду әлеуметтік желіде.