Роналду "Әл-Насрмен" келісімшартты ұзартпақ

Саудиялық "Әл-Наср" футбол клубы португалиялық шабуылшы Криштиану Роналдумен келісімшартты ұзарту бойынша келіссөз бастамақ.

Футболшының қазіргі келісімшарты 2025 жылы аяқталады, жазда басталатын келіссөз арқылы оны тағы бір жылға созу мүмкіндігі қарастырылып отыр.

Өз кезегінде Роналду да келісімшарты ұзартуға қарсы емес көрінеді. Осылайша, ол 41 жасына дейін футбол ойнай бермек. Бұл оған 2026 жылы АҚШ, Канада мен Мексикада өтетін әлем чемпионатына қатысуға мүмкіндік береді.