Қазақстанның футзалдан әлем чемпионатындағы қарсыластары белгілі болды

Бүгін футзалдан әлем чемпионаты финалдық сатысындағы Қазақстан құрамасының қарсыластары анықталды.

Жарыс 14 қыркүйек пен 6 қазан аралығында Өзбекстанның Ташкент, Бұхара және Әндіжан қалаларында өтетін турнирде Қазақстан D тобында сынға түседі. Қарсыластары - Испания, Жаңа Зеландия және Ливия құрамалары.

Құрамалардың топтарға бөлінісі төмендегідей:

А тобы: Өзбекстан, Нидерланд, Парагвай, Коста-Рика;

В тобы: Бразилия, Куба, Хорватия, Таиланд;

С тобы: Аргентина, Украина, Ауғанстан, Ангола;

D тобы: Испания, Қазақстан, Жаңа Зеландия, Ливия;

Е тобы: Португалия, Тәжікстан, Марокко, Панама;

F тобы: Иран, Венесуэла, Франция, Гватемала.

Әлем чемпионаты 14 қыркүйек-6 қазан аралығында Ташкент, Бұхара және Әндіжан қалаларында болады. Қазақстан құрамасы әлем чемпионатының финалдық сатысында 2000, 2016, 2021 жылдарда сынға түсіп, 2021 жылы 4-орынға табан тіреді.