Кәсіби бокс
Батыр Жүкембаев Усиктің жерлесін нокаутқа түсірді
@batyr_jukembayev
Бірінші жартылай орта салмақтағы қазақстандық боксшы Батыр Жүкембаев (23-1, 16 КО) кәсіпқой рингтегі 24-ші жекпе-жегін өткізді.
АҚШ-тың Плант-Сити қаласында өткен бокс кешінде Батыр El Terrible ("сұмдық") лақап атты украиналық Иван Редкачпен (24-6-1, 19 КО) жұдырықтасты. Он раундқа есептелген жекпе-жек бесіншісінде аяқталды - Жүкембаев қарсыласын техникалық нокаутпен жеңді.
Осылайша, қазақстандық боксшы карьерасында жиырма үшінші жеңісіне жетіп, WBA Continental North Americas титулын қорғап қалды, ал Редкач карьерасында жетінші рет жеңілді.