Елена Рыбакина: Қазақстанның жарық жұлдызы биіктеп барады

Теннис – шеберлік пен күштің спорты ғана емес, психологиялық драмалар мен рух жеңістерінің алаңы. Әр ойыны спортшының өзін-өзі жеңу тарихына айналатын теннис әлемінде Елена Рыбакынаның орны ерекше. 2018 жылдың маусым айына дейін Ресей құрамасының сапында өнер көрсеткен Қазақстан теннисші жанкүйерлердің сүйіспеншілігін ғана емес, жоғары спорттық жетістіктерге де қол жеткізіп, атын жалпы жаһанға танытып үлгерді. Рыбакина – «Үлкен дулыға» турнирлерінің бірінің жеңімпазы, ал бұл – кәсіпқой теннис әлеміндегі елеулі жетістік. WTA жеке турнирлеріндегі бес жеңіс – оның жоғары деңгейдегі спортшы екенінің дәлелі. Еленаның 18 жасқа дейінгі жасөспірімдер арасындағы командалық біріншілікте Еуропа чемпионы атағы да бар. Осынау жетістіктер – көп теннисшінің мансаптық жолында жетсем деп армандайтын атақтардың жиыны. Жақында әлемнің бірінші ракеткасы, беларусь теннисшісі Арина Сабаленкамен өткен кездесуі спортта жеңіс қана емес, жеңілісті мойындай білу де бағаланатынын тағы бір рет көрсетті. Бакалар тобының финалдық кездесуінде есе жіберген Рыбакина табандылық пен шеберлік танытты. Неге десеңіз, мұндай есеппен жеңілу – жеңіліс емес, қателіктерден сабақ алып, алға қарай ұмтылуға таптырмас мүмкіндік. 6:2, 3:6, 6:3 есебі жарыстың тек тосын әрі тартысты өткенін емес, спортшылардың жоғары бәсекеге қабілетті екенін де айғақтады. Екі сағат, жиырма жеті минутқа созылған матч артта қалды, алайда ойын барысында алған сабақтары мен тәжірибесі Рыбакинаның алдағы жеңістеріне жол ашады. Сабаленканың алты эйс пен бес брейк-пойнт, бес эйсы мен Рыбакинаның іске асырған үш брейк-пойнты – екі теннисшінің де керемет жекпе-жегі пен жеңіске деген ұмтылысын көрсететін сандар. Иә, екі еселенген қателіктер болды. Мұндай қателіктер кез келген спорттық жекпе-жекте болмай қоймайды. Олар, тіпті, ұлы спортшылардың да қателіктерден қорғанбайтынын еске салады, бұған қоса әрі қарай дамудың трамплиніне айналады. Спорттағы жетістіктің жеңістерден ғана тұрмайтынын, уақытша сәтсіздіктерді лайықты қабылдай білу екенін де айта кету керек. Рыбакина чемпионға тән барлық қасиетті өз бойына жинаған. Талант, төзімділік, амбиция және қателіктерден сабақ алу қабілеті секілді қасиеттер оны жоғары дәрежелі спортшы ғана емес, жас ұрпаққа үлгі де етеді. Оның таланты мен еңбекқорлығы жаңа биіктерден үміттенуге мүмкіндік береді. Елена Рыбакина, сөзсіз, біздің заманымыздың ең көрнекті теннисшілерінің бірі, әрі оның мансабы назар аударуға тұрарлық. Сабаленка секілді мықты қарсыластан жеңілуі оның артын тұман, алдын күмән етпейді, керісінше, мұны Рыбакынаның спорттық мансабындағы жаңа кезеңінің басы деп қабылдауымыз керек. Өйткені осы матчтағы кейбір сәтсіздіктер оған жарқын сәттер мен маңызды жеңістер әкелетініне сенімдімін. Елена Рыбакинаны алда жаңа жарыстар, жаңа сынақтар және, әрине, жаңа жеңістер күтіп тұр. Әр ойын оған лайықты әлемдік теннис шыңына жету жолындағы бір қадам болғай.