Хоккейден әлем чемпионаты — 2024
Хоккейден әлем чемпионатында Қазақстан құрамасы қатарынан үшінші рет ұтылды
ҚХФ/Ольга Бугаева
Хоккейден Қазақстан құрамасы Чехияда өтіп жатқан әлем чемпионатында қатарынан үшінші матчта ұтылды.
Ғалым Мәмбетәлиев шәкірттері В тобының үздігі саналатын Швециядан ұтылды. Бұл матчте Маркус Йоханссон 11-минутта есеп ашты, одан кейін Линус Йоханссон 36-минутта есепті еселеді және Фабиан Зеттерлунд 42-минутта есеп айырмасын ұлғайтты. Бұған Қазақстан құрамасы Әділ Бекетаевтың 46-минутта салған голымен ғана жауап бере алды. Осыдан кейін есеп өзгерген жоқ - 3:1.
Бұған дейін қазақстандық хоккейшілер Францияны 3:1 есебімен ұтқан, ал кейін Словакиядан (2:6), Латвиядан (0:2), енді міне Швециядан ұтылды.
Қазақстан командасы топтағы келесі ойынды 17 мамыр күні Германияға қарсы өткізеді.