2024 Париж Олимпиадасы
Францияда Олимпиада алауының эстафетасы басталды
Global Look Press
Грекияда тұтанған Олимпиада ойындарының алауы биылғы ойындар өтетін Франция жеріне жетті, деп хабарлайды Еuronews.
Осылайша, Францияда Олимпиада алауының эстафетасы басталды. Оны Францияның оңтүстігіндегі Марсель қаласына ХIХ ғасырдағы Белем желкенді кемесімен алып келді. Алау Грекиядан келгеннен кейін оны бірінші болып француз жүзушісі, 2012 жылғы Олимпиада чемпионы Флоран Маноду ұстады. Желкенді кеме Марсельдің ескі портына Францияның әнұранымен кірді. Салтанатты шараны жағалаудан 50 мыңға жуық адам тамашалады.
2024 жылғы жазғы Олимпиада ойындары Парижде 26 шілде мен 11 тамыз аралығында өтеді.