Хоккей
Хоккейден әлем чемпионаты: Қазақстан дивизиондағы орнын сақтап қалуға тырысады
ҚХФ
Финляндияда өтіп жатқан шайбалы хоккейден жасөспірімдер арасындағы әлем чемпионатында ширек финалға шыққан командалар анықталды, деп жазады Olympic.kz.
Қазақстан құрамасы В тобында 3 ұпаймен соңғы орында қалды. Енді Георгий Верещагин шәкірттері элиталы дивизиондағы орнын сақтау үшін А тобында көш соңында қалған Норвегияға қарсы ойнайды. Кездесу 2 мамырға жоспарланған.
Айта кетелік, Қазақстан командасы топтағы соңғы ойында 3:11 есебімен Канада құрамасына жол берді. Әлем чемпионатының ширек финалында төмендегі командалар өзара кездеседі:
АҚШ-Швейцария;
Финляндия - Швеция;
Канада - Латвия;
Чехия - Словакия.