АЧ-де қола үшін кұрескен екі қазақстандық дзюдошы қарсыластарынан жығылды

Дзюдодан Гонконгта өтіп жатқан Азия чемпионатының соңғы жарыс күнінде жүлдеге таласқан қазақстандық екі балуан жеңіліп қалды.

78 келіде бұрымдылар арасында Аруна Жангелдина кіші финалда моңғолиялық қарсыласына қосымша уақытта есе жіберді.

Ал ерлер арасында 100 келіге дейінгі салмақта белдескен Нұрлыхан Шархан қола жүлде үшін белдесуде қосымша уақытта тәжікстандық қарсыласына жол берді.

Айта кетелік, Қазақстан командасының еншісінде 3 қола медаль бар.