Тимофей Скатов Италиядағы турнирдің екінші айналымына өтті

Қазақстандық теннисші Тимофей Скатов Италияның Барлетта қаласында өтіп жатқан "Ччелленджер" сериясындағы турнирдің екінші айналымына өтті.

Қазақстандық теннисші алғашқы айналымда италиялық Андреа Гуэрриримен үш жарым сағат ойнап, 6:4, 4:6, 7:5 есебімен корт иесінен басым түсті.

Енді Скатов ширек финалға жолдама үшін аустриялық Филип Мисоличпен матч өткізеді.