Бокс

Бокстан Қазақстан құрамасының бапкері ауысты

Бокстан Қазақстан құрамасының бапкері ауысты
Шамиль Сафиуллин/ ©olympic.kz

2021 жылдан бері Қазақстан әйелдер командасын жаттықтырған бас бапкер Шәміл Сафиуллин қызметінен босатылды. Оның орнына Сайдалин Елдос Жәнібекұлы тағайындалды.

Елдос Сайдалиннің бапкерлік өтілі 16 жылдан асады. Қарағанды облысы балалар мен жасөспірімдердің мамандандырылған спорт мектебінде жаттықтырушы болған. 2020 жылдан бері әйелдер боксынан Қазақстан жастар және жасөспірімдер құрамаларының аға бапкері.

Оның жетекшілігімен 2021 жылғы әлем чемпионатында қыздарымыз 2 күміс, 3 қола медаль еншілеген. 2022 жылы Әлем чемпионатында жастар құрамасы 2 алтын, 2 күміс, 3 қола медаль жеңіп алды. Ал 2023 жылы Астанада өткен жастар және жасөспірімдер арасындағы Азия чемпионатында Қазақстан қыздары ел қоржынына 8 алтын, 4 күміс және 9 қола жүлде салды.

Сондай-ақ, былтыр Арменияда өткен жасөспірімдер арасындағы дүниежүзілік додада 3 алтын, 5 қола медаль жеңіп алды.

Басқа спорттық жаңалықтар