Қайым Айбар семсерлесуден жасөспірімдер арасында өтіп жатқан Азия чемпионатында қола медаль жеңіп алды

Кувейтте семсерлесуден жасөспірімдер мен кадеттер арасында Азия чемпионаты басталды.

Алғашқы күннен-ақ қазақстандық спортшы Қайым Айбар кадеттер арасындағы саблямен семсерлесуден қола медаль жеңіп алды. Қазақстандық спортшы 1/32-кезеңге шығу үшін KUAN Hok Io (Макао) спортшысын 15:11 есебімен жеңді. 1/16-кезеңге өту үшін OI Shane Jun Ming (Сингапур) спортшысын 15:11 есебімен ұтты. 1/8 кезеңге жолдама алу үшін тартысты кездесуде KOH Wei Zhe Benjamin (Сингапур) спортшысын 15:14 есебімен басып озды. Жартылай финалға өту үшін LIANG Chung-Yi (Қытайлық Тайбэй) спортшысын 15:11 есебімен сенімді жеңді. Ал жартылай финалда LEE San (Оңтүстік Корея) спортшысына жол беріп, Қазақстан құрамасына қола медаль әкелді.

Бұл – Қазақстан үшін чемпионаттағы алғашқы жүлде. Қайым Айбарды тарихи жетістігімен құттықтаймыз!