Атыраулықтар чемпион атанды
Кіл мықтыдан, кім мықты анықталды.
Тараз қаласында дзюдодан жастар арасында Қазақстан Республикасының чемпионаты өтті. 2005-2007 жылы туған жастар арасындағы Қазақстан чемпионатына барлығы 557 спортшы тіркелді. Тараз қаласындағы "Тараз-Арена" спорт сарайында өткен бәсекенің жекелей жарыстары бойынша Алматы қаласы 3 алтын, 1 күміспен көш бастаса, Қостанай облысы 3 алтынмен екінші орынға тұрақтады. Үздік үштікті Алматы облысы 2 алтын, 2 күміс, 2 қоламен қорытындылады.
Бүгін командалық кездесуде спортшылар өзара мықтыны анықтады. Жарыс нәтижесінде Шымкент және Алматы облысы қола жүлдені еншіледі. Финалдық айқаста Атырау және Жетісу облыстары кездесіп, 1:4 есебімен батыстық команда топ жарды. Айта кету керек, Орал қаласында өткен жасөспірімдер арасындағы командалық белдесуде де атыраулық дзюдошылар бас жүлдені жеңіп алған еді.