Биатлон
Қазақстан құрамасы биатлоннан 2025 жылғы Азия ойындарында алтын және күміс медальға ие болды
ҰОК
Қазақстан ерлер құрамасы биатлоннан 2025 жылғы Азия ойындарында екі медаль жеңіп алды.
Харбиндегі (Қытай) жарыстың спринт сайысында төрт қазақстандық спортшы бақ сынады. Нәтижесінде Владислав Киреев алтын медаль жеңіп алды.
Одан кейін Вадим Куралес мәре сызығын кесіп, күміс жүлдеге ие болды. Айта кетейік, ол биылғы маусымда ғана негізгі құрамда өнер көрсете бастады.
Үшінші орынды қытайлық Гу Цан иеленді. Ал Әсет Дүйсенов алтыншы, Александр Мухин жетінші орынға тұрақтады.
Сурет: Нұрғали Жұмағазы, Қазақстан ҰОК баспасөз қызметі
Дереккөз: ҰОК