«Адана Демирспор» президенті жанжалдан соң қызметінен кетті

«Галатасараймен» болған кикілжіннің дауы әлі басылар емес. 

 Түркияның «Адана Демирспор» футбол клубының президенті Бедирхан Дурак «Галатасарайға» қарсы өткен Суперлиганың 23-тур матчындағы оқиғадан кейін қызметінен кететіні туралы мәлімдеме жасады. Естеріңізге сала кетейік, «Адана Демирспор» ойыншылары 13-минутта қақпаларына белгіленген даулы пенальтиге қарсы болып, алаңнан кетіп қалған еді. 

 Отандасымыз Абат Айымбетовтың командасы алдағы уақытта жазасыз қалмайтын секілді. Тіпті қатаң жазалануы бек мүмкін. Онсыз да турнирлік кестеде 5 ұпаймен соңғы орында тұр. Аз ұпай мен қызыл аймақ жігіттерге қатты әсер еткен секілді. Ал, Бедирхан Дурак бұл қызметті 2024 жылдың қазан айынан бері атқарып келген.