Азиада-2025

Харбин-2025: қазақстандық керлингшілер қатарынан екінші жеңісіне қол жеткізді

Харбин-2025: қазақстандық керлингшілер қатарынан екінші жеңісіне қол жеткізді
ҰОК

Қазақстан құрамасының керлингшілері Амина Сейтжанова мен Азизбек Надирбаев Қытайдың Харбин қаласында өтіп жатқан 2025 жылғы Азия ойындарында екінші жеңісіне қол жеткізді, деп хабарлайды Bigsport.kz Olympic.kz-ке сілтеме жасап. 

6 ақпанда спортшылар аралас жұптар арасындағы топтық кезеңде Қырғызстанға қарсы кездесу өткізді. 

Кездесу 12:5 есебімен қазақстандық жұптың пайдасына аяқталды. Бұл жеңіс команда үшін қатарынан екіншісі болды. Бұған дейін Қазақстан құрамасы Қатарды жеңген еді.  

Төрт матч қорытындысы бойынша Қазақстанның еншісінде екі жеңіс пен екі жеңіліс бар. Біздің керлингшілер бұл кезеңдегі соңғы кездесуін бүгін Филиппиндерге қарсы өткізеді. 

Сурет: Сали Сабиров, Қазақстан ҰОК баспасөз қызметі

Басқа спорттық жаңалықтар