«Ордабасының» қарсыластары анықталды

Шымкенттік клуб екінші оқу-жаттығу жиынын өткізеді. 25 ақпанға дейін деп жоспарланған жаттығу Түркия елінде өтеді.

Отандастарымыз Белек қаласында бес клубпен күш сынасып, маусымға дайындығын пысықтайды. Естеріңізге сала кетейік, осыған дейін Әбу-Дабиде дайындалып, екі матч өткізген еді. «Ордабасының» алдағы күндерге жоспарланған ойындары: «Милсами» (07.02), «Телави» (12.02), «Иберия 1999» (16.02), «Невтчи» (23.02), «Андижан» (24.02).