Қытайда өтіп жатқан Азия ойындарында қазақстандықтардан кімдер алтынға қол жеткізе алады?

Қазіргі таңда Қытайдың Харбин қаласында өтіп жатқан Азия ойындарына Қазақстан атынан 137 спорты бақ сынауда. Ал алтын медальға басты үміткерлердің қатарында биатлоншылар, шаңғышылар екені анық. Алайда басқа спорт түрінен де медаль жеңіп алуға толықтай мүмкіндік бар. Толығырақ Bigsport.kz материалында.

Алтын медаль жеңіп алу мүмкіндігі мәнерлеп сырғанаушыларда да бар. Бұл дегеніміз ерлер арасында жекелей сында Михаил Шайдоров алтын жүлдеге үміткерлер қатарында. 2024 жылдың желтоқсанында ол Гран-при финалында өнер көрсеткен алғашқы қазақстандық атанды. Ол 253,75 ұпай жинап, бесінші орын алды. 2025 жылғы Туринде өткен Универсиадада Шайдоров өз нәтижесін жақсартып, 260,15 ұпайға қол жеткізді. Дей тұрғанмен, жапониялықтар мықтылық танытуы мүмкін.

Әйелдер арасында Софья Самоделкина күтпеген нәтиже көрсетуі мүмкін. 2025 жылғы Универсиадада Самоделкина 190,96 ұпай жинап, қола жүлдеге ие болды. Жас спортшы Харбинде барша жанкүйерді таңғалдырып, жүлдеге қол жеткізуге толықтай мүмкіндігі бар.

Конькимен жүгіру спортында біздің құраманың басты фавориті – Надежда Морозова. Оның осы маусымдағы тұрақты нәтижелері Азия ойындарында жарқын өнер көрсетуге мүмкіндік береді. Сондай-ақ Кристина Силаева жеңіс тұғырынан көрінуі мүмкін.

Ерлер арасында басты назар Евгений Кошкинге аударылады. Бас бапкер Александр Панфиловтың айтуынша, ол әлемдегі ең үздік екпін алатын конькишілердің қатарына кіреді. Сол секілді Виталий Щиголевті де атап өткен жөн.

Әрине, шорт-трек командасынан да медаль күтуге болады. Тек эстафеталарда ғана емес, жеке жарыстарда да. Әсіресе, ерлер арасындағы спринтте біздің мүмкіндігіміз жоғары. Харбинде әлем чемпионатының күміс жүлдегері Денис Никиша, тәжірибелі Абзал Әжғалиев сынға түседі. Айта кетейік, ол 2011 жылы алтын жүлде иеленген.

Соңғы жылдары біздің шорт-трекшілер деңгейін едәуір көтерді. Яна Хан, Ольга Тихонова, Алина Әжғалиева да мықты қарсылас саналады. Харбинде медаль үшін үлкен бәсеке болады, өйткені азиялық шорт-трекшілер әлемдік көшбасшылардың қатарында. Бірақ осы тартысты жарыста алтын алу мүмкіндігіміз бар. Әрине, барлығымыз шаңғышылардан, биатлоншылардан және шайбалы хоккейшілерден алтын медаль күтеміз. Бұл спорт түрлері елімізге тұрақты түрде Азия ойындарының алтын жүлделерін әкеліп келеді. Жалпы есеп бойынша ең көп алтын алған – шаңғышылар (26). Биатлоншылардың еншісінде 19 алтын, ал шайбалы хоккейшілер Азия ойындарында жеті рет чемпион атанған. Алдағы Азия ойындарында хоккей, биатлон және шаңғы жарысы командалары қайтадан басты фавориттер болып саналады. Олардың сәтсіз өнер көрсетуі күтпеген жағдайлардың бірі болары анық.

Басқа спорт түрлерінде Азия ойындарында жеңіске жету қиынырақ болады. Дегенмен, фристайл-акробатика, керлинг, тау шаңғысы және ски-альпинизм жарыстарында жүлде алу қол жетпес нәрсе емес. Керісінше, бұл спорт түрлерінде жақсы нәтиже көрсетуге мүмкіндік бар. Қазақстандықтар бұл жарыстарда да жүлдеге ілігуі ықтимал. Бірақ біз алтын алу мүмкіндігін бағалап отырмыз. Біздің атлеттер аталған спорт түрлерінде қарсыластарына қарағанда осалдау. Дегенмен, бәрі мүмкін.