Украина құрамасы бокстан Азия чемпионатына қатысады
Бокстан Украина құрамасы 28 қараша мен 12 желтоқсан аралығы Чиангмайда (Таиланд) өтетін Азия чемпионатына қатысады.
Бұл елден Азия біріншілігіне 25 боксшы бармақ. Украина құрамасының басты жұлдызы және Олимпиада чемпионы Александр Хижняк (80 кг) бұл турнирге қатыспайды. Есесіне Еуропа чемпионы Айдер Абдураимов (60 кг) және Париж Олимпиадасына қатысқан Дмитрий Ловчинский (92 келіден аса) барады.
Сонымен бірге, Украинадан Иван Сапун (80 кг), Богдан Толмачев (92 кг) 22 жасқа дейінгілер арасында Еуропа чемпионатының жүлдегері Андрей Ефимович (48 кг), жастар арасында Еуропа чемпионы Даниил Дрыжак (63,5 кг) ұлттық құрама сапында болады.
Ал бұрымдылардан жастар арасындағы әлем чемпионатының күміс жүлдегері Татьяна Довгаль (60 кг), әлемнің бұрынғы чемпионы Мария Бова (66 кг), әлем чемпионатының қола жүлдегері Анастасия Черноколенко (70 кг) және Еуропа чемпионы Мария Ловчинскаяны (+81 кг) атап өтуге болады.
Еске салайық, Укариана құрамасы үшін бұл тарихи оқиға. Бұған дейін команда Әл-Айндағы (БАӘ) жастар арасындағы Азия чемпионатына қатысқан.