Әбиба Абужақынова әлемдік рейтингте үздік бестікке көтерілді

Қазақ қыздары арасынан тұңғыш рет әлем чемпионатының қола жүлдегері атанған Әбиба Абужақынова әлемдік рейтингте ең үздік 5 дзюдошының қатарына кірді.

Өзбекстан астанасы Ташкентте өткен Grand Slam турнирінде күміс иеленген Әбиба әлемдік рейтингтің көш басына жақындады. Ол әлемдік рейтингте алдына италиялық Ассунта Скуттоны, француз Ширин Букли мен жапон Нацуми Цунодадан кейін 5184 ұпаймен 4-орында тұр.

Әбибаның Ташкентте жеңіп алған күміс жүлдесі оның мансабындағы Grand Slam жарысының алғашқы күмісі болса, осы жылғы маусымнан бергі әлемдік додаларда үшінші жұлдесі. Қаңтар айында ол Португалияда өткен Grand Prix және Бакудегі Grand Slam жарысында үшінші орынға ие болды. Әбиба мансабында осымен Grand Slam жарыстарында 6 медаль жеңіп алды. Ал Grand Prix жарыстарында Әбужақынова 1 алтын, 1 қола жүлде алған болатын.