Бүгін Аустрия мен Қазақстан ойнайды

Бүгін, 14 қарашада футболдан Қазақстан ұлттық құрамасы Аустриямен кездеседі. Ұлттар лигасының 5-турындағы бұл ойын Алматыда өтеді.

Ойын Қазақстандағы уақытпен сағат 20:00-де басталады. Тікелей эфирде QazSport арнасы көрсетілім таратады.

Аустрия ойындағы айқын фаворит саналып отыр. Олар Алматыға бүгін жетті. 7 сағаттық сапардан кейін ұзақ жаттығу жасауды жоспарламаған. Қысқа жаттығу жасап, кешке ойынға бір-ақ шықпақ.

Ұлттар лигасының В дивизионындағы 3-топта Қазақстан 4 ойыннан 1 ұпай жинады. Ал 7 ұпай жинаған Норвегия, Словения мен Аустрия құрамалары бірінші орынға таласып тұр. Қазақстан құрамасы Аустриямен топтағы екінші ойынын өткізеді. Линцте өткен бірінші матчта қарсыластары 4:0 есебімен жеңіске жеткен болатын. Қазақстандық футболшылар Аустрия қақпасына бұған дейін өткізген ойындарында гол соқпаған. Станислав Черчесов шәкірттері Аустриямен өтетін ойыннан кейін 17 қарашада Норвегиямен ойнайды. Бұл ойын Ослода өтеді.