Кәсіби бокс
Қазақстандық Олимпиада чемпионы рингке қашан оралтатыны айтылды
instagram.com/yeleussinovdaniyar
Бокстан Олимпиада чемпионы, қазақстандық Данияр Елеусінов (12-0, 7 КО) келесі жылы шаршы алаңға оралады, деп хабарлайды All Stars Boxing.
Промоушеннің Instagram аккаунтында жарияланған жазбада Елеусінов келесі жылдың ақпан айында жекпе-жек өткізетіні айтылған. Жекпе-жектегі қарсыласы мен өтетін орны әзірше белгісіз.
"Жақын арада қарсыластың кім екені белгілі болады. Жаңалық күтіңіздер", - деп жазды All Stars Boxing президенті мен боксшының менеджері Зия Алиев.
Айта кетейік, Елеусінов 2016 жылғы Олимпиада ойындарында алтын алған. Бұл жеңіс қазақстандық бокс үшін әзірше Олимпиада ойындарындағы соңғы алтын медаль болып тұр.