Сұлтан Зауырбектің келесі жекпе-жегі белгіленді
Кәсіпқой бокста жеңіліп көрмеген қазақстандық боксшы Сұлтан Зауырбек 7 желтоқсан күні жекпе-жекке шығады.
Боксшы Ирландияда өтетін бокс кешінде поляк Дэмиан Вржезинскимен жұдырықтасады. Шаршы алаңдағы шайқас 10 раундқа жоспарланған.
Дэмиан Вржезински кәсіпқой бокста 28 рет жеңіске жеткен. 2 рет тең түсіп, 3 жекпе-жегінде жеңілген. Сұлтан Зауырбек польшалыққа қарсы 19-шы жекпе-жегіне шығады. Бұған дейінгі барлық жұдырықтасуында жеңіске жеткен. 13 кездесуінде қарсыласын уақытынан бұрын жеңген.
Айта кетейік, Сұлтан кейінгі кездесуін 21 маусым күні Болтон қаласында өткізіп, аргентиналық Роман Рубен Рейносоны (22-5-2, 10 КО) бірінші раундта жеңді.
Осылайша, ол WBA Continental белбеуін иеленді.
Ал Дамиан Вржесинский болса, соңғы айқасын 5 қазан күні өткізіп, ол да Аргентина елінің өкілі Мауро Алекс Перуэнді (16-9-1, 8КО) жеңген еді.