Теннис
Әлемнің бірінші ракеткасы Индиан-Уэллсте аутсайдерден ұтылды
АТР
Әлемнің бірінші ракеткасы Новак Джокович Индиан-Уэллстегі турнирдің 1/8 финалына да жете алмады. Жүлде қоры 9,5 миллион долларды құрайтын жарыста ол италиялық Лука Нардиге жол берді.
Лука Нарди жарыстағы аутсайдерлердің бірі болатын. Әлемдік рейтингте 123-орында тұр. Дегенмен Новакқа қарсы ойында 4:6, 6:3, 3:6 есебімен жеңіске жете білді. Ойын 2 сағат, 20 минутқа созылды.
Новак Джокович мансабында "Мастерс" және "Үлкен дулыға" жарысында 100-орыннан төмен тұрған теннисшіден алғаш рет жеңілді.
Серб теннисшісі бұған дейін Индиан-Уэлстегі жарыста 5 рет топ жарған.