Еркін күрес
Нұрқожа Қайпанов әлем чемпионы атағын жеңіп алды
ҚР ҰОК
Қазақстандық еркін күрес шебері Нұрқожа Қайпанов Тиранада (Албания) өткен әлем чемпионатында олимпиадалық емес салмақ дәрежесі бойынша финалда жеңіске жетті.
70 келіге дейінгі салмақта шешуші белдесуде оның қарсыласы жапондық Ешиносуке Аояги болды. Қайпанов қарсыласын 5:3 есебімен жеңіп, әлем чемпионатындағы алғашқы “алтын” медалін иеленді.
Айта кетейік, 2019 жылы Астанада өткен әлем чемпионатында Нұрқожа Қайпанов “күміс” жүлдегері атанған еді. Осылайша, Қазақстанның еркін күресте екі әлем чемпионы бар: бірінші чемпиондықты 2023 жылы 92 келіге дейінгі салмақта Ризабек Айтмұхан иеленген еді.