Еркін күрес
Қазақстандық балуан әлем чемпионатында жұбаныш белдесуіне шығады
Спортты дамыту дирекциясы
Еркін күрестен Қазақстан құрамасының спортшысы Дәулет Ергеш Тиранадағы (Албания) олимпиадалық емес салмақ дәрежесінде өтіп жатқан әлем чемпионатының жұбаныш кезеңіне қатысады.
Бұл қазақстандық ширек финалда жеңіліп қалған Автандил Кентчадзе (Грузия) финалға өткеннен кейін мүмкін болды. Енді Ергештің қола жүлдеге таласуға мүмкіндігі бар. Ол үшін 79 келіге дейінгі салмақта жұбаныш раундында жеңіске жету керек. Оның қарсыласы бірінші раундтан кейін анықталады.
Айта кетейік, бүгін, 31 қазанда Нұрқожа Қайпанов 70 келі салмақта финалда сынға түседі.