Еркін күрес
Нұрғожа Қайпанов әлем чемпионаты финалына жетті
ҰОК баспасөз қызметі
Күрес түрлерінен Олимпиадаға енбеген салмақ дәрежелері бойынша Тиранада (Албания) өтіп жатқан әлем чемпионатында Нұрғожа Қайпанов финалға жетті.
Еркін күрестен 70 келіге дейінгі салмақтағы жартылай финалда Нұрғожа тәжікстандық Абдулмажид Кудиевті 13:2 есебімен айқын жеңіп шықты. Оған дейін отандасымыз Митчелл Финесилвер (Израиль), Николай Грахмез (Молдова) және Акаки Кемертелидзеден (Грузия) басым болған еді.
Нұрғожа Қайпанов карьерасында екінші рет әлем чемпионатының финалына шықты. 2019 жылы Астанада өткен бәсекеде күміс жүлдегер атанған еді.
Еркін күрестен финалдық белдесулер ертең кешкі сағат 22:00-де басталады. Финалда Нұрғожа жапониялық балуан Аоягимен белдеседі.