Теннис
Дмитрий Попко Тукумандағы турнирді сәтті бастады
ҚТФ
Қазақстандық теннисші Дмитрий Попко Аргентинаның Тукуман қаласында өтіп жатқан ITF турнирін сәтті бастады.
Бірінші айналымында Попко корт қожайыны аргентиналық Гонсало Сейтунемен кездесіп, оны екі сетте 6:1, 6:3 есебімен ұтты. Енді 1/8 финалға жолдама үшін қазақстандық теннисші перулік Педро Ямачкинемен ойнайды.
Айта кетейік, бұған дейін Попко АҚШ-та қатарынан үш турнирде - Санрайз, Палм-Коуст және Нейплзде титулды жеңімпаз атанған болатын.