Қазақстанның бірінші ракеткасы әлемдік рейтингте жоғарлады

Кәсіби теннисшілер қауымдастығының (ATP) жаңартылған рейтингінде ерлер арасыда Қазақстанның бірінші ракеткасы Александр Бублик екі саты жоғарлады. 

Қазақстандық теннисші әлемдік рейтингте 21-орынға көтерілді. Бұл оның әлемдік рейтингте осы уақытқа дейінгі ең үздік нәтижесі екенін айта кетейік. 

Сонымен бірге, Александр Шевченко 57-ден бірден 45-орынға көтерілді. Манамадағы (Бахрейн) "Челленджер" сериясындағы турнирде жеңімпаз атанған Михаил Кукушкин 231-ден 163-ке жоғарылап, еліміздің үшінші ракеткасы атанды. Денис Евсеев 178-ден 179-ға, Бейбіт Жұқаев 189-дан 192-ге, Тимофей Скатов 276-дан 277-ге сырғыды.