Жозе Моуриньо алдағы жоспарлары туралы сұраққа жауап берді

Португалиялық бапкер Жозе Моуриньо алдағы жоспарлары туралы айтты.

«Болашағым? Мен білмеймін. Бір жыл демалыс алатындарды түсінбеймін. Жұмыссыз қалғанды ұнатпаймын. Дұрыс таңдау табуға уақытым бар», - деп келтірді журналист Джанлука Ди Марцио өзінің ресми сайтында Моуриньоның сөзін.

Маманның соңғы клубы 2024 жылдың қаңтарында кеткен «Рома» болды. Португал итальяндық клубты 2021 жылдан бері баптады. Моуриньо бұған дейін «Тоттенхэм», «Манчестер Юнайтед», «Челси», «Реал Мадрид», «Интер», «Порту», ​​«Лейрия» және «Бенфика» клубтарын жаттықтырған.

Дереккөз: prosports.kz