Промоутер Әлімханұлының келесі айқас туралы айтып берді

Top Rank промоутерлік компаниясының басшысы Боб Арум орта салмақта WBO және IBF чемпионы Жәнібек Әлімханұлының (16-0, 11 КО) келесі жекпе-жегіне қатысты пікір білдірді.

Бұған дейін WBO ұйымы британиялық Хамза Ширазды (21-0, 17 КО) Жәнібекке міндетті қарсылас етіп белгіледі. Боксшылардың командалары 23 қазанға дейін мәмілеге келе алмаса, промоутерлік сауда белгіленеді. Арумның сөзінше, Әлімханұлында басқа да мүмкіндіктер бар, соның ішінде басқа салмақ чемпионымен айқаса шыға алады.

"Біріншісі - Карлос Адамеспен (WBC чемпионы) немесе Эрисланди Ларамен (WBA) титул біріктіретін айқас өткізу. Екіншісі - осының ықтималы жоғары сияқты: Фрэнк Уорренің боксшысымен (Шираз) жұдырықтасу. Фрэнк және Queensberry Promotions-пен жақсы таныспыз, сондықтан бізде жекпе-жекті ұйымдастыру бойынша кедергілер болмау керек. Лондон болсын немесе тіпті Эр-Риядта болса да. Айтпақтай, оларды сәуірге Эр-Риядқа үлкен кард жоспарланған", - дейді Арум инсайдер Дэн Рафаэльге берген сұхбатында.

- Сонда WBO берген уақыт пен жоспарлы кесетеге сай, бұл айқасты ақпандағы Дюбуа - Джошуа қарымтасының аясында өткізуге сәті келеді ғой?

- Келісемін. Бірақ бұл бокс. Әдетте мұнда адамдар бәрін сәтімен келтіре бермейді. Бірақ Фрэнкпен мұны істеп көруге тырысамыз, - дейді промоутер.