Құрлықтық хоккей лигасы
«Барыс» Мәмбеталиевтің жетекшілігімен бірінші матчін ұтты
"Барыс" ХК
Қазақстандық «Барыс» командасы Құрлықтық хоккей лигасындағы кезекті ойынын белоруссиялық «Динамо» командасына қарсы Астанада өткізді.
Ойынның 18-минутында «Динамо» сапынан Крис Тирни есеп ашып кетті. Бірінші кезеңде астаналықтар есепті теңестіре алмады.
Екінші кезеңдегі 34-минутта Әлихан Әсетовтен пас алған Әлихан Өмірбеков гол соқты. Ал 59-минутта «Барыс» сапынан Кирилл Панюков қарсылас қаппасына екінші шайбаны салды.
Осылайша, астаналық клуб қарсыласынан 2:1 есебімен басым түсті. Бұл - команданың бас бапкер Ғалым Мәмбетәлиевтің жетекшілігімен қол жеткізген алғашқы жеңісі.
Енді «Барыс» алдағы ойынын 23 қазанда Ресейде «Сибирь» (Новосібір) командасына қарсы өткізеді.