Теннис
Недовесов Белгиядағы ATP турнирінің финалында ұтылды

ҚТФ
Қазақстанның жұптық сындағы бірінші ракеткасы Александр Недовесов Антверпендегі (Бельгия) ATP 250 турнирінің финалында ұтылып қалды.
Әлемдік рейтингте 57-орындағы қазақстандық теннисші америкалық Роберт Галловеймен бірге финалда аустриялықтар Александр Эрлер - Лукас Мидлермен дуэтімен ойнады.
Бірінші партияда аустриялық жұп 6:4 есебімен басым түссе, екіншісінде қазақстандық-америкалық дуэт артығымен есе қайырды – 6:1. Алайда супер тай-брейкте аустриялықтар сәтті ойнады – 10:8.
Бір сағат 14 минутқа созылған бәсеке барысында Недовесов – Галловей 6 эйспен бірге 4 брейк-пойнттың екеуін пайдаланды. Эрлер – Мидлер 2 эйс, 1 брейкпен (3 брейк-пойнт) көзге түсті.