Еуро-2024 іріктеу матчтары алдында Қазақстан құрамасында өзгерістер енгізілді

Қазақстан құрамасының Еуро-2024 іріктеу кезеңінде екі ойыны қалды.

     17 қарашада ұлттық құрама Астанада Сан-Мариномен ойнаса, 21-іне қараған түні сыртта Словениямен кездеседі. 10 қарашаға дейін жинақ тек ақпараттық және көру мақсатында болатынын ескертеміз. 10-ы күні , Қазақстан жастар құрамасына қарсы бақылау ойыны өтеді, одан кейін ұлттық құраманың соңғы тізімі анықталады.

     Бапкерлер кеңесінің шешімімен Елхан Астановтың орнына ұлттық құрамаға ордабасылық Максим Федин шақырылды; - Ертең, 7 қарашада Бекхан Шайзада, Сергей Малый, Темірлан Ерланов және Бағдат Қайыров жаттығуға қосылады; - Абат Айымбетов, Исламбек Қуат, Александр Марочкин, Ян Вороговский, Александр Заруцкий, Абзал Бейсебеков және Владислав Прокопенко УЕФА конференц-лигасы матчынан кейін команданың орналасқан жеріне келеді; - Самат Жарынбетов жарақатына байланысты қараша айындағы оқу-жаттығу жиынына қатыса алмайды; - 12-13 қарашада командаға Бахтиёр Зайнутдинов, Рамазан Оразов, Нұралы Әліп, Лев Скворцов, Марат Быстров және Александр Зуев қосылады.

     Қазақстан құрамасы 15 ұпай жинап, H тобында үшінші орынға тұрақтады. Көшбасшы болып Словения мен Дания тұр, олардың әрқайсысында 19 ұпайдан бар.