Футбол
Нұрәлі Әліп ресейлік футболшыны тағы да күрес тәсілімен жықты
"Зенит" ФК
Футболдан Қазақстан ұлттық құрамасының қорғаушысы Нұрәлі Әліп ресейлік қорғаушы Александр Коваленкомен тағы да белдесіп, командаласын күресте екінші рет жеңіп шықты.
Бір апта бұрын Нұрәлі командаласын кеудеден асыру әдісіне салып, жеңіп кеткен еді. Бұл жолы иықтан асыра лақтыру әдісімен шеберлік көрсетті.
Қазақстандық қорғаушы осы маусымда "Зенит" сапында 23 ойынға қатысып, нәтижелі өнер көрсетіп келеді. Команда 18 турдан кейін Ресей премьер лигасында 2-орында тұр. Чемпионат наурыз айының басында жалғасады.