Бүгін Чемпиондар лигасының екінші тур ойындары өтеді

Бүгін UEFA Чемпиондар лигасының екінші туры басталады. Бұл турнирде биыл алғаш рет 36 команда бақ сынап жатыр.

Биылғы жарыста командалар жаңадан әзірленген нұсқа бойынша сайысқа түседі.

Алдымен 21.35-те Германияның «Штутгарт» командасы өз алаңында Чехияның «Спарта Прага» клубымен шеберлік байқасады. Артынша 23:50-де «Арсенал» (Англия) мен ПСЖ (Франция) жасыл алаңға шығады. Бұл матчтерді «Qazsport» телеарнасынан тікелей эфирде көрсетіледі.

Екінші турдың алғашқы ойын күнінде «Ред Булл Зальцбург» (Австрия) пен «Брест» (Франция), «Байер» (Германия) мен «Милан» (Италия), «Боруссия Дортмунд» (Германия) пен «Селтик» (Шотландия), «Барселона» (Испания) мен «Янг Бойз» (Швейцария), «Интер» (Италия) мен «Црвена Звезда» (Сербия), ПСВ (Нидерланд) мен «Спортинг Лиссабон» (Португалия), «Слован Братислава» (Словакия) мен «Манчестер Сити» (Англия) ойнайды.