Түркия Суперлигасы
Зайнутдинов жаңа маусымда ыстмабұлдық команда үшін алғаш рет алаңға шықты
instagram.com/besiktas
Қазақстандық футболшы Бахтияр Зайнутдинов жаңа маусымда алғаш рет ойынға шықты. "Бешикташта" ойнайтын отандасымыз "Кайсериспор" командасына қарсы матчтың соңғы минуттарында доп тепті.
Ыстамбұлдық команда ойында 3:0 есебімен жеңіске жетті. Ал Бахтияр ойында дубль жасаған Чиро Иммобиленің орнына шықты. Бұған дейін команданың бас жаттықтырушысы Джованни ван Бронкхорст қазақстандық ойыншыны алаңға шығармай келген еді.
"Бешикташ" қазіргі таңда 16 ұпаймен 3-орында келеді. Көш басындағы "Галатасарайда" 19 ұпай бар.
Бахтияр Зайнутдинов "Бешикташқа" өткен жылы Мәскеудің ЦСКА командасынан ауысып келген болатын.