Португалия Қазақстанмен кездескенге дейін сегіз жыл ұтылмай келген
Футзалдан Португалия ұлттық құрамасының 8 жылға жалғасқан жеңіліссіз ойындар сериясы аяқталды. Оларды Өзбекстандағы әлем чемпионатының ширек финалында Қазақстан құрамасы тоқтатты.
Португалия құрамасы бұған дейін 2016 жылы өткен Әлем чемпионатының жартылай финалында ғана Аргентинадан 2:5 есебімен жеңілген. Одан бергі аралықта әлем және Еуропа чемпионы атанды. 38 ойын қатарынан жеңілістің кермек дәмін татпаған.
"Уау, футзалдан әлем чемпионатындағы тамаша күн! Қазақстан әлем чемпионы атағына ие Португалияны ұтып, 2021 жылғы жартылай финалдағы есесін қайтарды. Соңғы секундта драмалық жеңіліске ұшыраған Португалия құрамасының 2016 жылдан бері 38 матчқа созылған жеңіліссіз ойындар сериясы тоқтады", - деп жазды The Guardian журналисі Джейми Фэхи.