Бокс
IBA-ға бәсекелекес World Boxing әлем чемпионатын өткізеді
instagram.com/officialworldboxing/
World Boxing ұйымы әуесқой бокстан әлем чемпионатының қашан өтетінін мәлімдеді.
Аталған әлем біріншілігі келесі жылдың 4-14 қыркүйек күндері аралығында Ливерпульдің M&S Bank аренасында өтпек.
Бұл World Boxing қауымдастығы IBA-ға балама бәсекелекес ұйым болып құрылған еді. Бүгінде жаңа қауымдастыққа 44 ұлттық федерация мүше болып отыр. Алдағы уақытта оның қатары тағы да көбейе түспек.
Айта кетейік, World Boxing ұйымы ерлер мен әйелдер арасындағы әлем чемпионатын бірге өткізеді. Ал биыл боксшылар бекітілетін он салмақта сынға түседі.