Australian Open: Қазақстандық теннисші жарыстың бірінші ракеткасын ұтты

Қазақстандық Әмір Омарханов жасөспірімдер арасында Аустралия ашық чемпионатының екінші айналымына шықты.

Қазақстандық теннисші бірінші айналымда жасөспірімдер арасында әлемнің төртінші, жарыстың бірінші ракеткасы, ATP рейтингісінде 1872-орында тұрған италиялық Федерико Синамен шеберлік байқасты.

Бірінші партияда италиялық спортшы бірде-бір гейм берген жоқ – 6:0. Есесіне осыдан кейін Әмір қарымта қайтара алды – 6:3, 6:3. Тартысты бәсеке 1 сағат 37 минутқа созылды.

Әмір Омарханов екінші айналымда ұлыбританиялық Виктор Фридрихпен кездеседі.

Дереккөз: kaz.inform