Үстел теннис
Қазақстандық спортшы АҚШ-тағы WTT Feeder Corpus Christi 2024 турнирінде жеңімпаз атанды
Үстел теннис федерациясы
Қазақстандық Кирилл Герасименко АҚШ-та үстел теннисінен өткен WTT Feeder Corpus Christi 2024 халықаралық турнирінің жеңімпазы атанды, деп хабарлайды Olympic.kz.
Қазақстан командасының үздігі төрт бірдей қарсыласынан басым түсті.
Атап айтқанда, Кирилл Герасименко америкалық Кай Чжанды 3:1, үндістандық Хармит Десайды 3:1, германиялық Штеффен Менгельді 3:1, португалиялық Жоао Монтейруді 3:2 есебімен ұтып, алтын медаль жеңіп алды.
«Бұл турнирде бірінші орын алып, WTT Champions турниріне қатысу үшін рейтингілік ұпай жинаймын деген мақсат болған. Сондай-ақ бұл ұпайлар Париж олимпиадасына іріктеу кезеңінде де маңызды. Мұнда өзіме деген сенімділік арқасында мықты спотшылардан басым түстім», - деді Кирилл Герасименко.