Ла Лига
«Барселонаның» жетінші ойыншысы жарақат алып қалды
IMAGO / IPA Sport
«Барселона» Дани Ольмоның жарақатына қатысты ресми мәлімдеме жасады.
Клубтың хабарлауынша, Ольмо «Жиронаға» қарсы ойында (4:1) оң санының сіңірін зақымдап алыпты. Осыған байланысты 26 жастағы ойыншы 4-5 аптаға қатардан шықты. Дани Ольмо «Барселона» сапындағы үш матчында үш гол соғып, маусымды сәтті бастаған еді.
Осылай, каталониялық клуб сапында жарақат алған ойыншылар саны жетіге жетті: Дани Ольмо, Френки Де Йонг, Ансу Фати, Гави, Рональд Араухо, Фермин Лопес, Андрес Кристенсен.